منــتديات ابــــــداع قـلــــم
أعضائنا وزوارنا الأعزاء,
إذا أردتم مُساندتنا يُمكنكم أن تقوموا بِهِبَة لهذا المنتدى و تساهمون بذلك في استمراريته و نشاطه.
كل هباتكم ستستعمل لضمان جودة و استمرارية نشاط, جودة و حيوية هذا المنتدى. ارجو التسجيل بالمنتدى والتفاعل ان ارتم
المدير العام للمنتدى

قانون الطوارق روعة

استعرض الموضوع السابق استعرض الموضوع التالي اذهب الى الأسفل

هام قانون الطوارق روعة

مُساهمة من طرف Ù…لاك الجنوب في الجمعة يناير 28, 2011 4:38 am

(قانون الطوارق)

طارق ابن أختي الحزين ـ
اتمسك ، حبسوه يومين ـ
الكلام ده مش قريب ـ
الكلام ده من سنين ـ
و لما رحنا و جينا نسأل ـ
دوخونا و عذبونا ـ
لحد ما جوز خالة مراتي الصول خليفة ـ
قال لي شدوه اشتباه ـ
طب إيه جناه ؟ ـ
قالوا : قانون الطوارئ ـ
و الطوارئ جمع طارق ـ
يعني مجرم و إلا طيب ـ
و إلا مسروق و إلا سارق ـ
ما عدش فارق ـ
ــــــــــــــــــــــ
برضه أخويا اسمه طارق ـ
واد مسبسب شيك و عايق ـ
قل عقله و ربى دقنه ـ
فاكر أما يربي دقنه ده أمر هين ؟ ـ
أصله واد أهبل و مالوش في التدين ـ
واد حنين ـ
لا هو سني و لا هو واحد م الجماعة ـ
لأ ده واد خنفس بتاع موضة و مياعة ـ
برضه شدوه اشتباه ـ
طب إيه جناه ؟ ـ
رد جوز خالة مراتي الصول خليفة ـ
هو أخوك مش اسمه طارق ؟ ـ
مش لسه قايل من يومين ؟ ـ
إن القانون اللي ماشي ـ
هو قانون الطوارئ ؟ ـ
و الطوارئ جمع طارق ؟ ـ
جمع طارق ، لم طارق ـ
يعني طيب و إلا مجرم ـ
و إلا مسروق و إلا سارق ـ
ما عدش فارق ـ
ـــــــــــــــــــ
و ابن خالتي برضه طارق ـ
لا هو مجرم و لا له سوابق ـ
بس مشكلته إنه طيب و ما لهوش في الحداقة ـ
طب عليا النعمة كان خايف ـ
يوم ما راح القسم لاجل ما يطلع بطاقة ـ
يعني مالهوش ف الحداقة ـ
بس كان راجع ف ليلة ـ
من شغله في محل الحلاقة ـ
برضه شدوه اشتباه ـ
طب إيه جناه ؟ ـ
قام خال جوزة مراتي بسرعة من مكانه ـ
عينه بتطلع شرار و هاج و احمرت ودانه ـ
مش قلنا قانون الطوارئ ؟ ـ
أنت ها تغلبني ليه ؟ ـ
الطوارئ جمع طارق ـ
النحو شطب و إلا إيه ؟ ـ
الطوارئ جمع طارق ـ
جمع طارق ، لم طارق ـ
مسك طارق ، عكش طارق ـ
هم ناقع ، هم طارق ـ
حبس طارق ، نفخ طارق ـ
مش قلنا قانون الطوارئ ؟ ـ
و الطوارئ جمع طارق ـ
سحل طارق ، هتك طارق ، ظرف طارق ـ
ع العموم ماعادش فارق ـ
و ف ثواني ها أعمل لك بطاقة ـ
و تبقى طارق ـ
و الطوارئ جمع طارق ـ
قتل طارق ، دفن طارق ـ
مش قلنا قانون الطوارئ ؟؟؟؟؟؟ ـ
مش قلنا قانون الطوارئ ؟؟؟؟؟؟؟؟؟؟؟
avatar
ملاك الجنوب
المدير
المدير

مزاجى :
المهنة :
الدولة :
الجدي
الكلب
عدد المساهمات : 1100
تاريخ التسجيل : 23/09/2010
العمر : 22
الموقع : http://nmar.ahlamuntada.com/
المزاج المزاج : رايق

http://nmar.ahlamuntada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى